سما المصري تعلن "توبتها".. وهذه رسالتها للجمهور

فاجأت الفنانة الاستعراضية المصرية متابعيها عبر صفحتها على "إنستجرام" بطلب هو الأول من نوعه، حيث ناشدتهم حذف صورها العارية.

وقالت "سما" خلال منشور عبر صفحتها الرسمية بموقع انستجرام، إنها قامت بنشر صور وفيديوهات "وزها الشيطان" على نشرها، ودعت الله أن يتقبل توبتها.

وطالبت من جمهورها حذف الصور، قائلة: "الناس اللي منزلين صوري وفيديوهاتي الوحشة، أبوس إيديكم شيلوها، ما تشيلونيش ذنب أكبر من كدة، ادعولي لو نيتي صافية ربنا يقف جنبي".

وعلقت سما، على صورتها التي نشرتها قائلة: "iيااارب قدرني علي اللي في نيتي ونور طريقي إليه ونور بصري وبصيرتي وابعد عني اللي مش عايزه اعمله تاني ولا اللي يزعلك مني ويزعل الناس مني......اقف جمبي يارب...انت طلعتني من محنتي ووقفت جمبي في مرضي وعافيتني واستجبت دعايا قدرني وكملها معايا بالستر وابعد عني شيطاني وقويني بحق الساعه المفترج دي ماتسبنيش....ادتني الصحه والعافيه اديني القوه كمان عشان اقدر علي نفسي واقدر علي شيطاني حتي لو واحده واحده انا هاصبر واتحمل......قويني علي شيطاني وخليني انتصر عليه حتي لوبعدوقت طويل المهم تحسن خاتمتي...دعوه اتقبلها مني يارب بحق اليوم المفترج دا اللي بتغفر فيه ذنوب سنه بأكملها فاتت".

وأضافت: "أنا بدأت انضف حاجات كتير من صور وفيديوهات هنا الشيطان وزني عليها ومليش فيس ولا تويتر امسح من عليه حاجه مش بتوعي بس انا السبب انديتهم فرصه ينزلوا صوري الوحشه عندهم.....يارب محتاجه وقت عشان انضف للابد كل حاجه خليك واقف جمبي.....والناس اللي منزلين صوري وفيديوهاتي الوحشه ابوس ايديكم شيلوها ماتشيلونيش ذنب اكبر من كده........ادعولي لو نيتي صافيه ربنا يقف جمبي ويقويني".

وكانت سما المصري تعرضت مؤخراً لأزمة صحية اضطرت بسببها لقضاء عدة أيام في المستشفى نتيجة تناولها طعام فاسد.